Varnarleikur í MP (Margeirs Péturssonar) stíl

Það hefur verið fróðlegt en um leið afskaplega sorglegt að fylgjast með endalokum SPRON.  Sjálfur var ég nefnilega einn af þessum ánægðu viðskiptavinum SPRON. Mér varð um og ó þegar ég var allt í einu kominn til Nýja Kaupþings í Grafarvogi.  Á næstu dögum kom það vel til greina að færa sig til þeirra sem myndu hugsanlega kaupa SPRON.  Og viti menn - MP banki ætlaði að þarna að gera reifarakaup.  Að vísu hefur þeim ekki tekist að kaupa neitt ennþá þeir segjast alltaf vera við það að kaupa en trúlega aldrei fengið hlutina nógu ódýrt.  En nú kom góður banki og gott orðspor upp í hendurnar á þeim.  Gallinn var bara sá að það voru einstaklingar sem voru, samvisku sinnar vegna, að kafa oní tengsl Byrs og MP.  

Í ljósi þessa fréttaflutnings og "afhjúpunar" hefst varnarleikur í MP stíl. Leikurinn snýst um að fá samúð fólks.

En nú líður mér bara vel hjá Nýja Kaupþing og vænti ég mikils af því fyrirtæki.

Ítrekar að kaupum sé aflýst

Að taka upp annan gjaldmiðil - við fyrstu hentugleika

Nú styttist óðum í kosningar á landinu okkar góða.   Í dag varð ljóst að lýðræðishreyfingin komst inn á síðustu stundu.  Vona svo sannarlega að hin snarpa og stutta kosningabarátta sem framundan er verði öllum til sóma og að sem flestum takist vel upp með að koma sínum sjónarmiðum á framfæri.  Ég vona líka að þegnar þessa lands kynni sér vel það sem í boði er og fjölmenni síðan á kjörstaði þar sem þeir geta látið ljós sitt skína.  

Nú eru fréttir að berast af því að Sjálfstæðisflokkurinn vilji "leita eftir samstarfi við Alþjóðagjaldeyris-sjóðinn um að stefnt verði að því að íslensk stjórnvöld og IMF vinni að því í sameiningu að í lok áætlunarinnar geti Íslendingar tekið upp evru sem gjaldmiðil (ekki einhliða). Í þessu felst að við teljum að íslensk stjórnvöld eigi að vinna með Alþjóðagjaldeyrissjóðnum að því að Íslendingar geti tekið upp evru sem gjaldmiðil í samstarfi við Evrópusambandið, þannig að slakað verði á þeim skilyrðum sem sambandið setur. Slíkt skref yrði afar mikilvægt fyrir Ísland."  Tekið er mið af þeim skilaboðum sem sjóðurinn sendi Evrópusambandinu um að slaka á sínum skilyrðum og gera fleiri löndum kleift að taka upp evruna.

Ljóst er að áfram verður að leita allra leiða við að ná sem bestum árangri, með krónuna í farteskinu, á allra næstu mánuðum en á meðan á því stendur þarf samhliða að vinna að því sleitulaust og flumbrulaust að taka upp annan gjaldmiðil.  Það jákvæða í stöðunni fyrir okkur er að IMF er að koma á framfæri skilaboðum til ESB og það getur opnað dyr fyrir okkur.  Svo eiga stórveldin eftir að funda oftar og komast að samkomulagi um regluverk er snerta fjármálamarkaði heimsins.